Ağ şəhər ətrafında daşınmaz əmlak elanları

Köhnə adı “Qara şəhər” ilə kimi tanıdığımız Ağ şəhər evlər son dövrlərdə hər kəsin diqqət mərkəzindədir. Çünki bu ərazidə evlərin demək olar ki, hamısı yenilənib və əəvzinə müasir standartlara cavab verən gözəl, səliqəli evlər tikilib. Belə evlərdə yaşamağı hamı istəyər. 10 il əvvələ qədər neft gölməçələri, qara bataqlıqlar və çirklə örtülən “Qara şəhər” ərazisi, möhtəşəm yenidənqurma ilə dəyişdi və Bakı şəhərinin ən gözəl ərazilərindən birinə çevrildi. Artıq bu əraziyə “Ağ şəhər” deyirlər və günü-gündən ağ şəhər evlər ilə maraqlananların sayı artmaqdadır.

Bakı Ağ Şəhər — Azərbaycan Respublikası Prezidenti İlham Əliyevin “2006-2010-cu illərdə Azərbaycan Respublikasında ekoloji vəziyyətin yaxşılaşdırılmasına dair kompleks tədbirlər planının” təsdiq edilməsi barədə fərmanının icrası çərçivəsində və Bakı Şəhər İcra Hakimiyyətinin 11 iyun 2007-ci il tarixli sərəncamına əsasən Azərbaycanda həyata keçirilən ən böyük miqyaslı şəhərsalma layihələrindən biridir.

Layihə, 1650 hektar sahədə yerləşən şəhər mərkəzinin şərq hissəsinin (Qara Şəhərin) bərpa və inkişafı, həmçinin, Bakının yeni müasir mərkəzinə çevrilməsini nəzərdə tutur ki, bu da investisiyaların cəlb edilməsi üçün əlavə imkanlar yaradır.

Bakı Ağ Şəhər layihəsinin Baş Planı 10 universal şəhər tipli rayonun yaradılmasını nəzərdə tutur. Bu rayonlardan hər birində sakinlərin yaşayışı, çalışması, istirahəti və əyləncəsi üçün ən yaxşı şərait mövcud olacaqdır.